Maschio Gaspardo Ibérica celebrou en Casa Cadaval (Portugal) unha nova edición do Día Nacional de Maschio Gaspardo, un encontro anual que reuniu agricultores, concesionarios, colaboradores e profesionais do sector agrícola. Ao redor de 400 persoas asistiron á xornada e puideron coñecer de primeira man as últimas innovacións da compañía, ademais de presenciar demostracións de maquinaria.
O obxectivo da xornada, co foco posto nos clientes finais e nos agricultores, foi reforzar as relacións comerciais e ofrecer a oportunidade de coñecer a ampla gama de maquinaria de Maschio Gaspardo, como as abonadoras Primo, as sementadoras Chrono, as trituradoras Girafa XL e a grade rotativa Jumbo X, así coma os pulverizadores Tempo Ultra e outras máquinas tamén presentes.
Sérgio Raposo, Area Sales Manager en Portugal de Maschio Gaspardo, foi o encargado de presentar a xornada. No evento houbo diferentes demostracións en campo con Dracula 430 e Artiglio F Hydro. "En Maschio Gaspardo apostamos porque distribuidores, agricultores, clientes e concesionarios sexan os primeiros en confiar plenamente na calidade das nosas máquinas, e nada mellor para logralo que amosarlles de maneira directa como traballan en campo", afirmou ao respecto Alfonso Egea, director xeral de Maschio Gaspardo Ibérica.
Pola súa parte, Sergio Raposo afirmou que "a xornada celebrada en Portugal supuxo un momento clave para Maschio Gaspardo, reafirmando o seu compromiso de proximidade con distribuidores e clientes. Unha ocasión na que a compañía volve poñer en valor a escoita activa como vía fundamental para comprender e dar resposta ás súas necesidades reais".
Ademais, en liña coa filosofía de seguir consolidando a súa presenza en Portugal, Maschio Gaspardo reforzou o seu cadro de persoal coa incorporación de Diogo Monteiro como novo Parts Sales Manager.
