O Informe de Declaracións de Entregas de Leite Cru aos Primeiros Compradores que publica mensualmente a Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca y Alimentación, publicou esta tarde o estudo correspondente ao mes de marzo de 2022, no que se rexistra un prezo medio do conxunto estatal de 0,383 €/litro, cifra que continúa mantendo a tendencia alcista, aínda que supón un incremento mínimo con respecto a febreiro (0,378 €/litro).
No extremo de prezos máis baixos mantéñense comunidades como Cantabria (0,371 €/litro), Cataluña (0,378 €/litro) e Galicia (0,379 €/litro). Destacan cos mellores prezos ao produtor Canarias (0,472 €/litro), Comunidade Valenciana e Castela-A Mancha (0,395 €/litro) e Andalucía (0,394 €/litro).
