Ao peche da poxa de hoxe en Fonterra o valor dos produtos lácteos sufrira un descenso xeneralizado. O índice global de prezos do comercio de produtos lácteos situouse nos 4.855 $/tonelada, un dato un 3,6 % inferior ao da quincena pasada.
O prezo da manteiga quedouse nos 6.640 $/t (-3,7 %), mentres que o do queixo baixou aos 6.185 $/tonelada. Son inferiores con respecto a poxas anteriores tamén os valores do leite enteiro en po (4.207 $/t) e do leite desnatadO en po (4.408 $/t), que descenden un 4,4 % e un 4,2 %, respectivamente.
No entanto, na comparativa con respecto a como estaba a situación hai un ano, a valoración é notablemente positiva: a media global de prezos estaba na segunda quincena de abril de 2021 nos 4.110 $/t, o valor da manteiga estaba nos 5.736 $/t e o do queixo nos 4.436 $/t, mentres que o leite enteiro en po roldaba os 4.100 $/t e o leite desnatado en po tiña un valor de 3.365 $/t.
