O Informe de Declaracións de Entregas de Leite Cru aos Primeiros Compradores que publica cada mes a Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, mantense estable en xullo con respecto ao mes pasado e rexistra así un prezo medio de 0,530 €/litro no conxunto do país. A maiores, cabe destacar que en xullo do ano pasado, o prezo medio rexistrado foi de 0,463 €/litro, por tanto, o ascenso é notable.
Por un lado, as tres comunidades autónomas co prezo máis baixo, un mes máis, continúan sendo Baleares (0,500 €/litro), Galicia (0,513 €/litro) e Murcia (0,520 €/litro); polo outro, Canarias (0,616 €/litro), Asturias (0,569 €/litro) e o País Vasco (0,554 €/litro), rexistran as medias máis altas.
Con respecto ao volume de produción mensual, a cifra de leite cru producido en España ascende: en xuño foron declaradas 614.927 toneladas e en xullo este dato ascendeu a 618.313 toneladas.
