Onte celebrouse a segunda poxa do mes en Fonterra e o índice global de prezos do comercio de produtos lácteos descendeu ata os 2,875 $/tonelada, un 7,4 % menos que a quincena anterior.
Nesta ocasión, destaca o ascenso do prezo medio do queixo, que, cun incremento dun 5,8 %, alcanza os 4.127 $/tonelada, mentres que o leite enteiro en po rebaixa o seu prezo un 10,9 % e anota 2.548 $/tonelada. En canto á manteiga, esta fixou un prezo de 4.539 $/tonelada (-3,0 %) e, finalmente, o leite desnatado en po rexistra nesta poxa un descenso dun 5,2 %, chegando a 2.333 $/tonelada.
