O vacún maior acadou na poxa semanal celebrada hoxe en Silleda un prezo medio de venda de 1.220,20 euros. Este dato supón un incremento do 54 % nos prezos con respecto a principios de ano: na primeira poxa de 2021, o prezo medio dos 77 exemplares sacados a poxa foi de 789,35 euros.
Na poxa de hoxe vendéronse 295 reses de vacún maior, entre os que destacaban 97 exemplares de categoría extra, os cales acadaron un valor medio de 1.906,29 euros.
