O índice global de prezos do comercio de produtos lácteos en Fonterra anota nesta terceira semana de maio un forte aumento, dun 3,3 %, ata chegar aos 3.861 $/tonelada. Continúa, polo tanto, a tendencia alcista que se foi observando ao longo destas últimas semanas.
A subida máis importante nesta ocasión foi a da manteiga, cun incremento dun 5,1 % e marcando un valor de 6.931 $/tonelada. Outros aumentos importantes a destacar foron os do leite desnatado en po (3,5 %) e o leite enteiro en po (2,9 %), chegando aos 2.629 $/tonelada e 3.408 $/tonelada. O queixo mantén o seu valor con respecto á anterior poxa e rexistra 4.239 $/tonelada.
