A industria láctea FrieslandCampina, de Holanda, anunciou o prezo garantido da leite aos seus produtores, que diminúe lixeiramente por segundo mes consecutivo. A baixada é de 1€ por cada 100 quilogramos de leite, garantindo un valor de 55 €/100 kg.
A compañía alega que a caída débese á expectativa de que as empresas de referencia reducirán lixeiramente os seus prezos para o leite convencional de granxa como resultado dos desenvolvementos do mercado.
O prezo integral do leite en febreiro queda en 58,21 €/100 kg. Este valor baséase no prezo garantido, complementado pola prima máxima de Foqus planet, polos esforzos de sustentabilidade, e un bono por cantidade, despois das deducións por cargos e custos. Ademais, os membros de FrieslandCampina poden recibir un pago adicional en función dos resultados e da política de ganancias retidas adoptada.
O prezo garantido aplicarase aos 100 kg de leite con contidos estándar de 3,58 % de proteína, 4,45 % de graxa e 4,53 % de lactosa, sen IVA. As cantidades aplícanse a un subministro medio de 925.000 quilos de leite anuais. Este mes, o valor da proteína é de 840,12 euros e o valor da graxa é de 560,08 euros por 100 quilogramos.
