O Informe de Declaracións de Entregas de Leite Cru aos Primeiros Compradores que publica mensualmente a Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, rexistrou en xullo un prezo medio do leite no conxunto estatal de 0,463 €/litro. A escalada desta cifra media supérase un mes máis e volve marcar un novo máximo histórico.
Entre as comunidades cos prezos máis baixos atópanse Baleares (0,444 €/litro), Galicia (0,447 €/litro), Cantabria (0,451 €/litro) e País Vasco (0,453 €/litro), mentres que cos mellores prezos ao produtor destacan Canarias (0,521 €/litro), Murcia (0,499 €/litro), Andalucía (0,496 €/litro) e Madrid (0,493 €/litro).
