A industria láctea FrieslandCampina, con sede en Holanda, aumenta outro mes máis o prezo garantido do leite aos seus produtores. Nesta ocasión, a suba é de 1,25 euros por cada 100 kg, polo que o prezo pagado en agosto será de 49,25 €/100 kg. Este aumento baséase nos prezos de referencia, que recentemente se incrementaron, e na expectativa de que seguirán subindo.
O prezo garantido aplicarase aos 100 kg de leite con contidos estándar de 3,58 % de proteína e 4,45 % de graxa, sen IVE. As cantidades aplícanse a un subministro medio de 925.000 quilos de leite anuais.
O valor da proteína en agosto é de 752,29 euros por 100 quilogramos, mentres que o da graxa é de 501,53 euros por 100 quilogramos.
