A segunda poxa de febreiro en Fonterra rexistra un lixeiro descenso no índice global de prezos do comercio de produtos lácteos dun -0,6 %, situándose nos 4.172 €/tonelada.
A pesar dos descensos na maioría dos produtos lácteos como o leite desnatado en po (-2,5 %), que queda nos 2.630 €/tonelada; o leite enteiro en po (-0,2 %), que fixou unha media de 3.965 €/tonelada, ou o queixo (-3,4 %), que se situou nos 4.642 €/tonelada, cómpre destacar o incremento no prezo da manteiga, que aumentou un 2,2 % ata acadar a cifra media de 7.045 €/tonelada.
