Os prezos de venda de leite a granel no mercado de referencia europeo seguen co seu ascenso ininterrompido desde abril. Esta semana, en Verona, mercado que recolle leite spot austríaco e alemán, o valor deste produto incrementouse un 3,23 % con respecto á semana pasada e alcanzou os 0,50 €/litro. En Milán, o leite spot chegado de Francia supera xa os valores de finais de 2019 ao chegar aos 0,4536 €/tonelada tras un novo incremento do 0,58 %.
Desta maneira, estes dous mercados italianos pechan o mes de outubro con grandes cifras medias: Verona supera o último máximo histórico, de novembro de 2019, ao alcanzar os 0,4794 €/tonelada de media; e Milán rexistra o mellor dato desde setembro de 2017, ao pechar este mes cunha media de 0,4375 €/tonelada.
