O índice global de prezos dos produtos lácteos na última poxa de Fonterra sufriu un lixeiro descenso do -1,4 %, situando o prezo medio en 3.881 $/tonelada nesta segunda poxa de outubro.
Por categorías, a manteiga diminuíu o seu valor un -0,8 %, o que supón un prezo de 6.662 $/tonelada. O leite desnatado en po rexistra 2.559 $/tonelada (-1,6 %) e o cheddar 4.758 $/tonelada (-1,9 %), mentres que o leite enteiro en po marca un prezo de 3.610 $/tonelada (-2,4 %) e a mozzarella 3.230 $/tonelada (-5,3 %).
A pesar deste retroceso, o valor medio dos prezos dos lácteos segue sendo superior ao rexistrado nestas mesmas datas hai un ano.
