O mercado lácteo italiano comeza a recuperarse tras o gran descenso sufrido no mes de marzo por mor da expansión da covid-19 no país. Así, Verona e Milán pecharon o mes de xuño cunha subida media de case o 20 % no prezo de venda de leite spot procedente de Austria e Alemaña e no caso de Verona e de Francia no caso de Milán.
Balance esperanzador no mercado milanés, onde os prezos de venda subiron un 19,45 % con respecto ao mes pasado ata situarse nos 334,0 €/tonelada a finais de xuño, uns valores moi superiores aos recollidos nos últimos dous meses: en abril baixou ata os 2,661 €/ton (o prezo máis baixo dende febreiro de 2018) e en maio ascendeu lixeiramente a 279,7 €/ton.
En Verona, o leite spot austríaco e alemá tamén anotou un ascenso notable en xuño: subiu un 18,91 % con respecto a maio e situouse nos 3,64,7 €/tonelada. A recuperación está a ser moi parella en ambos mercados e no caso de veronés a tendencia tamén se mantén en positivo dende abril (2.956 €/tonelada en abril e 306,7 €/tonelada en maio).
