O Informe de Declaracións de Entregas de Leite Cru aos Primeiros Compradores que publica mensualmente a Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, publicou este mediodía o estudo correspondente ao mes de maio de 2022, no que se rexistra un prezo medio do conxunto estatal de 0,431 €/litro, só un céntimo máis con respecto a abril (0,420 €/litro).
A pesar de manterse a tendencia positiva no prezo, a caída é clara e evidente no número de gandeiros con entregas. No último ano perdemos 774 gandeiros, España pasou de contar con 11.898 gandeiros con entregas de leite no mes de maio de 2021 a ter 11.124.
Entre as comunidades coos prezos máis baixos atópanse Baleares (0,397 €/litro), Galicia (0,420 €/litro), Murcia (0,424 €/litro) e Cantabria (0,426 €/litro). Destacan cos mellores prezos ao produtor Canarias (0,500 €/litro), Andalucía (0,453 €/litro), Madrid (0,452 €/litro) e A Rioxa (0,449 €/litro).
