A última poxa internacional de Fonterra rexistrou un descenso no índice global de prezos do comercio de produtos lácteos, que se queda nos 4.043 $/tonelada, o que supón un -4,3 % con respecto á anterior poxa.
Destaca nesta primeira semana de setembro o incremento do prezo do cheddar (+3,6 %), que chega aos 4.709 $/tonelada. Descende nesta poxa o valor da manteiga (-2,5 %), da mozzarella (-4,6 %), do leite enteiro en po (-5,3 %) e do leite desnatado en po (-5,8 %), anotando 6.969 $/tonelada, 4.244 $/tonelada, 3.809 $/tonelada e 2.620 $/tonelada, respectivamente.
