O observatorio do mercado do leite da Unión Europea, que ofrece ao sector dos produtos lácteos da UE unha transparencia mediante a difusión dos datos do mercado e análises a curto prazo, fixo públicos os últimos datos sobre a subida do prezo dos lácteos dentro da Unión Europea no último mes.
Desta forma, o leite desnatado en po destacou na súa subida, dun 5,5 %, até chegar aos 246€/100 kg, e o leite enteiro en po ascendeu un 3,9 %, anotando 346€/100 kg. Resalta a maiores o aumento da manteiga, un 3,8 %, e rexistra actualmente 463€/100 kg. Finalmente, o queixo tamén anota unha lixeira subida, do 0,2 %, e marca a día de hoxe 358€/100 kg.
O prezo do leite spot en Italia tamén subiu no último mes, situándose na última semana en 53,3 c/kg.
