A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, acaba de publicar, como cada inicio de mes, o Informe de Declaracións de Entregas de Leite Cru aos Primeiros Compradores. Neste caso, o documento correspondente a decembro de 2024 rexistra un novo aumento do prezo medio do leite en España con respecto ao mes anterior, situándose nos 0,494 €/litro.
Así, confirma a tendencia alcista dos catro últimos meses do ano, aínda que segue situándose por debaixo do valor marcado en decembro de 2023: 0,521 €/litro.
As comunidades autónomas que acadaron o prezo máis alto en decembro foron Canarias (0,633 €/litro), País Vasco (0,522 €/litro) e Asturias (0,520 €/litro). En cambio, as cifras máis baixas quedaron en Baleares (0,466 €/litro), Galicia (0,472 €/litro) e Navarra (0,486 €/litro).
