A neozelandesa poxa de Fonterra pechouse hoxe, de novo, cos valores en positivo. Aínda que o incremento é menos acusado que o de hai quince días, o índice global de prezos do comercio de produtos lácteos segue en ascenso, cun incremento do 0,4 % con respecto aos datos anteriores e un prezo medio de venda de 3,159 $/tonelada.
A manteiga é, por segunda vez este mes, o ben máis valorado: sobe un 3,3 % e sitúa o seu prezo de venda nos 3,678 $/tonelada. O queixo é o segundo produto en acusar un incremento maior e, cun aumento do 3 % no seu valor, ascende a 3,803 $/tonelada.
O leite enteiro en po sobe un 0,3 % e o seu valor alcanza a 3,037 $/tonelada, mentres que o desnatado descende un -0,2 % no seu prezo de venda con respecto á quincena anterior e baixa a 2,851 $/ton.
