A poxa de Fonterra pechouse hoxe cun lixeiro descenso no índice global de prezos do comercio de produtos lácteos, que se quedou nos 4.162 $/toneada (un descenso do 0,7 % con respecto á quincena anterior).
Son bos os datos do leite enteiro en po e do leite semidesnatado en po: soben un 0,7 % (4.115 $/ton) e un 2 % (3.433 $/ton), respectivamente. A manteiga e o queixo foron os produtos que fixeron descender a media xeral, ao sufrir un descenso do 12,1 % a primeira (5.035 $/ton) e dun 4,5 % o segundo (4274 $/ton).
