Tras a baixada habitual nos meses de verán, coa entrada nos meses fríos a poxa de Fonterra continúa coa recuperación dos valores dos seus produtos. Na xornada de hoxe, o aumento no valor dos prezos foi xeneralizado, índice global de prezos do comercio de produtos lácteos subiu un 2,2 % con respecto á quincena anterior e o prezo medio de venda foi de 4.061 $/tonelada. O dato sobresae aínda máis se se compara cos rexistros de hai un ano: o prezo medio de venda na segunda poxa de outubro de 2020 foi de 3.179 $/tonelada.
O incremento máis destacado da xornada foi o da manteiga, que tras subir un 4,7 % chega aos 5.111 $/tonelada. O queixo rexistra un prezo final de 4.426 $/tonelada (+ 2,9 %) e o leite enteiro en po e o leite desnatado en po alcanzan os 3.803 $/tonelada (+1,5 %) e os 3.401 $/tonelada (+2,5 %), respectivamente.
