Vén de celebrarse a hoxe a oitava edición dos Premios Exceleite á Excelencia Hixiénico-Sanitaria das Explotacións Leiteiras de Leite Cru de Vaca, un evento que volveu poñer en valor o traballo e compromiso dos gandeiros galegos coa calidade e a sustentabilidade. A conselleira do Medio Rural, María José Gómez, encabezou o acto de entrega, acompañada de altos cargos da Xunta e da delegada territorial na Coruña, Belén do Campo.
Nesta edición dos Exceleite foron galardoadas as seguintes ganderías:
Gandaría Intensiva de Pequeno Tamaño:
- Ouro: Concepción García Pereira (Frades, A Coruña)
- Prata: María del Pilar Iglesias Golmar (Lalín, Pontevedra)
Gandaría Semintensiva de Pequeno Tamaño
- Ouro: José Manuel Barreiro Vázquez (Toques, A Coruña)
- Prata: María Jesús Rego Broz (Vilalba, Lugo)
Gandaría Extensiva de Pequeno Tamaño
- Ouro: Carmen Rial Barco (Boimorto, A Coruña)
- Prata: Méndez, S. C. (Monforte de Lemos, Lugo)
Gandaría Intensiva de Mediano Tamaño
- Ouro: Beatriz López Fernández (Cospeito, Lugo)
- Prata: Teresa Fernández López (Sarria, Lugo)
Gandaría Semintensiva de Mediano Tamaño
- Ouro: Pablo Soto Campello (Xermade, Lugo)
- Prata: A Torna, T. C. (Ordes, A Coruña)
Gandaría Extensiva de Mediano Tamaño
- Ouro: Tallón Lobato, S. C. (Vedra, A Coruña)
- Prata: Casa Codesal, S. L. (Friol, Lugo)
Gandaría Intensiva de Gran Tamaño
- Ouro: Casa Martiño, S. C. (Sarria, Lugo)
- Prata: Gandaría Castiñeiras de Oa, S. C. (Trazo, A Coruña)
Gandaría Semintensiva de Gran Tamaño
- Ouro: Ramón Vales Porto (Rodeiro, Pontevedra)
- Prata: Queiroga, S. C. (O Páramo, Lugo)
Gandaría Extensiva de Gran Tamaño
- Ouro: Gandaría Sinesio, S. C. (Curtis, A Coruña)
- Prata: Pulleiro, S. C. (Trazo, A Coruña)
Gandaría Ecolóxica
- Ouro: Casa Codesal, S. L. (Friol, Lugo)
- Prata: Granxa Ecolóxica Figueroa, S. C. (Arzúa, A Coruña)
Durante a súa intervención, Gómez destacou que os gandeiros galegos son “garantes dunha parte moi importante da identidade de Galicia” e cualificou o sector leiteiro como “indispensable no económico, pero tamén na variable demográfica e social, para vertebrar e manter poboación no rural”. Ademais, subliñou a importancia destes galardóns para recoñecer o compromiso coa calidade e o benestar animal, así como para recompensar “a entrega e sacrificio” dos profesionais que fan do sector leiteiro galego un referente a nivel nacional e internacional.
A conselleira aproveitou a ocasión para reiterar o apoio da Xunta ao sector leiteiro, cualificado como estratéxico para o rural galego. Este respaldo materialízase en actuacións como a planificación mediante unha estratexia específica, a promoción do leite galego, a protección das explotacións, o fomento da formación e a remuda xeracional ou a mobilización de terras para garantir a viabilidade do sector no futuro.
CALIDADE E SUSTENTABILIDADE
Os Premios Exceleite avalían parámetros rigorosos como a redución de células somáticas no leite cru, un indicador clave da calidade hixiénico-sanitaria e do benestar animal nas explotacións. O obxectivo destes recoñecementos é incentivar a excelencia mediante boas prácticas que beneficien non só aos produtores, senón tamén ao conxunto do sector e aos consumidores.
O evento clausurouse cunha chamada ao recoñecemento do papel fundamental dos gandeiros e á necesidade de seguir traballando en equipo para afrontar os retos que o sector ten por diante, desde a innovación tecnolóxica ata a transición cara a modelos de produción máis sustentables e competitivos.
