O recinto feiral Luis Adaro de Xixón (Asturias) foi testemuña esta mañá da valoración da sección de xatas e xovencas do 44.º Concurso Nacional da Raza Frisona de Conafe. O exemplar Rey 1273 Hxl Bambi, pertencente á gandería Rey de Miñotelo (Lugo), foi seleccionado como gran campiona de xatas e xovencas polo xuíz italiano Giuseppe Beltramino.
Na categoría de xatas e xovencas de capa vermella, o exemplar Venturo Rompen Halawi Red, da gandería Casa Venturo (Asturias) alzouse co primeiro posto.
O certame, que reúne este ano máis de douscentos dos mellores exemplares da raza frisona a nivel nacional, continuará esta tarde, ás 15:00 horas, coas seccións de vacas, onde se determinará a gran campiona adulta.
