O pasado xoves día 25 de maio, Afriza organizou a segunda visita en torno ás Xornadas de Portas Abertas do Sector Lácteo. A Asociación Frisona Independente de Zamora (Afriza) puxo en marcha un ano máis esta iniciativa motivados pola necesidade de promocionar o consumo de leite e de achegar á cidadanía a situación do sector lácteo.
Os actos da campaña están sendo levados a cabo ao redor do día de hoxe, o Día Mundial do Leite. Nesta segunda visita, os centros infantís Imagina e Cuentacuentos acudiron á Ganadería Malillos, de Andavías. Raúl, socio da granxa, entrega o seu leite a Pascual, que lles ofreceu o almorzo aos visitantes. Tamén lles fixeron entrega dunha camiseta.
Mediante esta iniciativa explican, grazas a gandeiros, veterinarios e nutricionistas, de forma sinxela e directa, cómo se desenvolve o traballo diario nunha granxa e transmiten a importancia do sector como fixador de poboación e de tecido económico nas aldeas e como axente esencial no mantemento do medio ambiente a través dunha agricultura sustentable e respectuosa.
