O hotel Convento I de Coreses foi o lugar de celebración do XXV Encontro Provincial de Gandeiros de Raza Frisona de Zamora, celebrado o venres 21 de xuño e organizado pola Asociación Frisona Independente Zamorana (Afriza).
No encontro, o avogado e asesor fiscal Aurelio Álvarez ofreceu unha charla sobre decisións e planificación tributaria no sector agrario. Seguidamente, Vicente Jimeno, profesor titular da Universidade Politécnica de Madrid, centrou a súa exposición nos erros, acertos e oportunidades do vacún leiteiro en España durante os últimos 25 anos. A continuación, desenvolveuse unha mesa redonda centrada no pasado, presente e futuro de Afriza, que contou coa participación dos presidentes que tivo a asociación: Vicente Jimeno, Félix Roncero, Jorge Hernández e Daniel Vicente Rodríguez.
Ao final da xornada entregáronse os premios ás mellores ganderías da provincia durante 2023. O galardón por Tipo levouno La Sielma SC, de Monfarracinos; o de ICO foi para Alfonso Sastre Tabuyo, de Santibáñez de Tera e, finalmente, o de produción recolleuno SAT Rote, de Zamora.
