O XXXIII Concurso Autonómico da raza frisona "Fefriga 2025" e o XXXVII Open de frisón "Gandagro 2025" celebraranse de maneira simultánea mañá en Silleda (Pontevedra), durante a Feira Profesional de Maquinaria, Agricultura e Gandería, Abanca Cimag-Gandagro, no recinto Feira Internacional de Galicia Abanca.
O encontro comezará co xulgamento das xatas e xovencas participantes, de 10:00 a 14:00 h. Máis tarde, a partir das 15:30 e ata as 19:00 h, chegará a quenda das vacas. O xuíz encargado de valorar os exemplares é Marcel Egli, de Suiza. A través da web de Vaca Pinta poderase seguir o evento ao completo en directo.
