Xa son catro as edicións celebradas da Escola Iniciación de Futuros Gandeiros, unha iniciativa posta en marcha pola Federación Frisona Galega, en colaboración co Club de Xóvenes Gandeiros de Galicia e co apoio de CLUN, a Deputación de Pontevedra e o Concello de Lalín. A cuarta edición, que se celebrou desde o pasado 26 de xullo e que contou con rapaces e rapazas de entre 8 e 17 anos, puxo hoxe o broche de ouro cun acto na Finca Mouriscade de Lalín (Pontevedra).
Tras esta clausura, comezan xa os preparativos para a seguinte edición, a V Escola Iniciación de Futuros Gandeiros, que se desenvolverá na mesma localización os días 19, 20, 21, 22 e 23 de agosto.
