Conafe celebrou o pasado 20 de maio o webinar coxeiras e benestar animal en vacún de leite, organizado en colaboración coa Asociación Profesional de Podólogos Bovinos (APPB) e o Institut de Recerca i Tecnologies Agroalimentáries (IRTA). Ao encontro, dirixido a gandeiros, podólogos e veterinarios, asistiron máis de 75 persoas.
A Directora Xerente de Conafe, Sofía Alday, foi a encargada de abrir este webinar que se encadra na acción divulgativa do grupo operativo GO_I-SAB para a incorporación de información para a mellora da Saúde e o Benestar Animal no Sector Bovino Leiteiro Español, subvencionado polo Ministerio de Agricultura, Pesca e Alimentación e cofinanciado polo FEADER nun 80%.
O programa comezou co relatorio de Noureddine Charfeddine, do Dpto. Técnico de Conafe sobre a "Incidencia e impacto económico das coxeiras en vacún de leite". A continuación, interveu Xènia Moles, veterinaria Técnico no Programa de Benestar Animal do IRTA, para falar sobre a "Repercusión das coxeiras en benestar animal e produtividade". Pechou o programa Miguel Ángel García, veterinario de Servet Ledesma e membros da APPB, que expuxo os "Fundamentos para a avaliación e rexistro das coxeiras: control sanitario e redución de custos".
