Na illa azoriana de San Miguel celébrase esta fin de semana a décima edición do Concurso Micaelense da Raza Holstein Frisia de Outono. O certame comezará este venres, 29 de novembro, co xulgamento dos manexadores mozos e adultos ás 17:00 horas, hora local (18:00 h en Portugal | 19:00 h en España).
Posteriormente, ás 18:00 horas, hora local (19:00 h en Portugal | 20:00 h en España), será a quenda das xatas e das xovencas. Entre outras, escollerase á xovenca gran campiona.
O sábado, terá lugar a valoración das vacas nas distintas seccións a partir das 19:00 horas, hora local (20:00 h en Portugal | 21:00 h en España). Nesta xornada coñecerase a vaca gran campiona.
O concurso finalizará o domingo coa entrega de galardóns aos gañadores. O xuíz asignado para esta edición é o canadense Ian Crosbie.
O certame de manexadores e as seccións de xatas, xovencas e vacas poderanse seguir en directo a través da web vacapinta.com.
