Os días 4 e 5 de marzo, a localidade cordobesa de Dos Torres acolle a 14ª edición da Feira de Gando Frisón 2022.
O venres, a partir das 10:30 horas, terán lugar as IV Xornadas Técnico Gandeiras Usías Holsteins, que se poden seguir de maneira online ou presencial no Centro Cultural 2T. Contarán cos relatorios de Paco Sexto, veterinario do Servizo de Calidade de Leite de Seragro SCG; Álex Bach, investigador de Marlex Recerca e Investigación; Eber Rojas Cañadas, investigador “María Zambrano” no Departamento de Produción da Escola Técnica Superior de Enxeñaría Agraria (ETSEA) da Universidade de Lleida, e James Quigley, investigador en nutrición, saúde e manexo. Ás 21:30 horas será a cerimonia de apertura do concurso frisón coa presentación das ganderías.
O sábado ás 12:30 horas xulgaranse as seccións de tenreiras e xovencas e ás 20:00 horas será a quenda das vacas. A partir das 23:00 horas darase a coñecer a vaca gran campioa do concurso.
Así mesmo, o programa conta con ludoteca para nenos, xogos populares, manexo de gando infantil en pista e un concurso de tractor con remolque marcha atrás, entre outras actividades.
