A Fundación Vet+i–Plataforma Tecnolóxica Española de Sanidade Animal convocou o IX Premio Isabel Mínguez Tudela á Innovación en Sanidade Animal. Este galardón de carácter bienal ten por obxectivo recoñecer o mellor resultado transferible en I+D+i en sanidade animal en España.
As candidaturas poderán presentarse desde xa e ata o vindeiro 30 de abril incluído. Optarán ao premio todos aqueles resultados transferibles de I+D+i no ámbito da sanidade animal obtidos en centros públicos de investigación nos últimos cinco anos.
Este premio, de gran prestixio dentro do ámbito da investigación, o desenvolvemento e a innovación no sector da sanidade animal, entregarase no transcurso da XV Conferencia Anual da Fundación Vet+i, que terá lugar o próximo 26 de xuño no Auditorio Rafael del Pino de Madrid.
