Do 17 ao 30 de maio Zoetis pon a disposición do veterinario de vacún de leite un curso formativo online sobre a terapia de secado selectivo (TSS). Un total de 4 horas lectivas nas que o alumno coñecerá os beneficios do secado selectivo da man do experto en saúde da ubre e calidade de leite Demetrio Herrera.
O curso pretende ser unha guía de apoio que axude a establecer un protocolo de secado selectivo en explotacións leiteiras, de forma que permita diminuír o uso de antibióticos durante o secado en base a criterios obxectivos e baseados en evidencias. Tamén contén un foro de discusión de casos prácticos para compartir experiencias e coñecementos.
