Organizada por BPA Pro, a xornada técnica A Gandería de Presente e de Futuro tivo lugar na Casa da Cultura de Ordes (A Coruña) o 26 de xaneiro.
Paula Soler e David Terán, directora comercial e técnico veterinario de Lallemand, abordaron as claves para conseguir ensilados de herba de calidade; Jordi Tost, director técnico de Gav-Allfeed, repasou os protocolos sanitarios para vacas leiteiras libres de uso de antibióticos e desparasitantes farmacolóxicos; Marga Penelas, global product manager de Hipra, explicou como manter a ubre saudable para manterse un paso por diante da mastite; Miren Sagarzazu, de Albaitaritza Genetics, desenvolveu a charla "Xenómica, acelerando a mellora xenética", e Bartolomé González, veterinario de Covegama Andalucía, disertou sobre a mellora do período de transición e a optimización do arranque da lactación.
