O Ministerio de Agricultura, Pesca e Alimentación convoca as axudas correspondentes ao Plan de renovación do parque de maquinaria (Plan Renove) 2022, que conta cun orzamento de 6,55 millóns de euros para dúas liñas de axudas: 2 millóns de euros para a adquisición de maquinaria de sementeira directa e outra de 4 millóns para a renovación do resto de maquinaria, tractores e automotrices subvencionables. Se ao finalizar o prazo de presentación quedan fondos dispoñibles en calquera das dúas liñas, poderanse utilizar para satisfacer a lista de espera.
O obxectivo do Plan Renove é facilitar a modernización do parque de maquinaria, mediante a axuda á compra de máquinas e equipos con novas tecnoloxías que permitan levar a cabo unhas técnicas agrícolas máis respectuosas co medioambiente.
As persoas interesadas poden ir adquirindo a máquina pola que queiran pedir subvención, inscribíndoa no ROMA e realizando todos os trámites pertinentes. Poderán presentar as solicitudes entre o venres 15 de xullo e o próximo 15 de setembro, ambos inclusive.
Toda a información dispoñible no Boletín Oficial do Estado (BOE)
