A preinscrición para a nova edición do Máster Propio en Produción de Leite, da Universidade de Santiago de Compostela, pódese presentar desde hoxe mesmo ata o 30 de xuño.
Para acceder ao máster é necesario contar cunha titulación universitaria, preferentemente relacionada co sector agrogandeiro, ou ben ser estudantes aos que reste por superar o TFG e, como máximo 9 créditos ECTS para obter a titulación de acceso requirida; aínda que será necesario presentar o título antes de finalizar o curso.
Ofértanse un total de 12 prazas e as clases presenciais desenvolveranse desde setembro de 2023 ata xuño de 2024, ademais de prácticas en empresas desde outubro de 2023 a decembro de 2024. A formación impartirase entre o Campus de Lugo e o Ligal (Abegondo).
