A 33.ª edición do Concurso Nacional de Raza Parda, organizado pola Asociación de Gandeiros de Raza Parda (Arapar), celebrarase o próximo 22 de setembro no pavillón central do recinto feiral Luís Adaro, de Xixón (Asturias), a partir das 17:00 h.
O evento, que se levará a cabo no marco da Feira Monográfica do Campo e as Industrias Agrícolas, Gandeiras, Forestais e Pesqueiras de Asturias, Agropec, será xulgado polo xuíz suízo, Stefan Hodel. É enxeñeiro agrónomo e xefe do departamento de avaliación de animais de Braunvieh Suíza. No seu palmarés como xuíz destaca ter xulgado o concurso máis importante do seu país, BRUNA BS/OB, tres veces (2006, 2017 e 2022) e a Swiss Expo 2020. Ademais, dirixe o equipo de calificadores suízos e as harmonizacións de calificadores e xuíces europeos na Federación Europea Brown Swiss.
