Xa coñecemos o cartel e o programa do XXXII Concurso Autonómico da Raza Frisona Fefriga 2024, que será do 23 ao 25 de febreiro en Santa Comba (A Coruña). Cabe resaltar que, nesta feira sectorial e a maiores do certame, haberá zona comercial no interior do recinto e máis de 2.000 m² de exposición de maquinaria agrícola no exterior. Así mesmo, realizaranse actividades para os máis pequenos durante toda a fin de semana.
Na tarde do venres será a quenda dos preparadores, co XVII Concurso de Novos Preparadores de Gando. O sábado, durante todo o día, celebrarase o XXXII Concurso Autonómico Fefriga 2024 coas seccións de xatas, xovencas e vacas. O certame finalizará cos manexadores na mañá do domingo.
