L'Escola Agrària i Alimentària de l'Empordà e a Cooperativa Ramaders del Baix Empordà, coa súa veterinaria Anna Targa i Barrera á cabeza, promoven unha formación orientada á xestión emocional e motivación das ganderías. O ciclo de ponencias está coordinado polo asesor e consultor Sebastián Martín.
As sesións desenvolveranse en liña os días 7 e 14 de febreiro. É necesaria a inscrición previa para ambos os días.
O 7, tras a presentación, levaranse a cabo dúas ponencias, baixo o título: ¿Por qué es necesario hablar de gestión emocional en las ganaderías? Aspectos importantes en la gestión de la mano de obra y el fomento del relevo generacional.
O 14, a xornada organízase baixo o paraugas dos factores de xestión emocional que impactan no rendemento.
Desde a organización consideran que na gandería, como en calquera empresa, se as xestións operacionais xa están optimizadas, serán o compromiso, a vontade e a sinerxía entre os membros do grupo os que marquen a diferenza entre un resultado mediocre e un excelente.
