A Asociación Profesional de Podoloxía Bovina (APPB) compartiu coa revista Vaca Pinta este comunicado tras o falecemento do seu socio Javier Ángel de las Cuevas Terán:
O pasado día 10 de febreiro recibiamos unha triste e tráxica noticia na contorna da APPB, o falecemento do noso socio, compañeiro e amigo, Javier Ángel de las Cuevas Terán. Foi unha persoa moi querida dentro da Asociación, en cuxa creación e desenvolvemento participou efusivamente cos seus coñecementos e bos consellos. Desde a APPB queremos transmitir á súa familia o noso apoio e o máis sentido pésame.
O equipo de Vaca Pinta únese ás condolencias da APPB, colaboradora habitual da revista.
