Campoastur celebrará o vindeiro xoves 9 de marzo en Vilalba (Lugo) a quinta edición da súa xornada técnica de produción gandeira ecolóxica. O evento terá lugar no Restaurante Montero (Estrada Nacional N-634, Goiriz) a partir das 11:00 horas.
O xerente de Beealia, Joan Alibés, abrirá o encontro co relatorio "Enfoques ecolóxicos na fertilidade das pradeiras". Seguiralle Xan Pouliquen, xerente de Xestión Agrogandeira e Natureza, para abordar as perspectivas de futuro fronte á evolución dos custos de produción en vacún ecolóxico de leite e de carne. Seguidamente, Bárbara Álvarez, responsable do Departamento Técnico de Ecocelta, disertará sobre solucións de abonado e encalado para a agricultura e gandería ecolóxica. Por último, Elio López, xerente de Innogando, desenvolverá a charla "Dixitalización de granxas e sistemas de monitorización de gando, Sistema RUMI".
Para asistir é necesaria inscrición previa antes do próximo luns 6 de febreiro. Pódense realizar a través do correo rafaelpardodeandrade@gmail.com ou do teléfono 679410087.
