Kemin Industries celebrará o mércores 26 de outubro no Hotel Attica 21 de Vilalba (Lugo) a novena edición das súas xornadas sobre nutrición en vacún leiteiro.
Nesta ocasión, trataranse temas como o manexo nutricional no período de transición e a dixestibilidade do almidón e da fibra. Para iso, contarase coa presenza dos expertos Sergio Calsamiglia (Universidade Autónoma de Barcelona), Phil Cardoso (Universidade de Illinois) e Emiliano Raffrenato (RUM&N Sas).
As charlas empezarán ás 9.00 horas coa benvida a cargo de Alex Fortuny (Kemin Ibérica Animal Nutrition & Health). A continuación, terán lugar as conferencias dos tres investigadores convidados, aos que se unirán Deepak Dubey (Kemin Animal Nutrition & Health EMENA) e Diego Martínez do Olmo (Kemin Animal Nutrition & Health EMENA), os cales ofrecerán exposicións sobre a formulación tendo en conta a saúde e sobre as novas oportunidades que ofrece a formulación, respectivamente.
