A Casa da Cultura de San Sadurniño acollerá, o sábado 25 de febreiro ás 12.00 h, un encontro dirixido a tratar todas as cuestións relacionadas co aforro e a eficiencia enerxética nas explotacións agrogandeiras e nas vivendas.
O evento, organizado pola asociación de Produtoras e Produtores de Leite en Galicia (Prolega) e impartido por a Fundación Axencia Enerxética Provincial da Coruña (Faepac), profundará en temas como a estrutura de custos nas explotacións agrarias e gandeiras, conceptos clave da factura eléctrica, aforro e eficiencia nas granxas, autoconsumo e comunidades enerxéticas.
