No marco da súa campaña informativa “Conta cos produtos lácteos europeos”, a Interprofesional Láctea (InLac) fai fincapé no feito de que o modelo europeo de produción láctea destaca por ofrecer vantaxes en termos de sustentabilidade, garantindo calidade para os consumidores e coidado do medio ambiente, ao mesmo tempo que impulsa o desenvolvemento socioeconómico en áreas rurais. Neste sentido, expertos do Comité de Sustentabilidade Láctea subliñan a importancia deste sector, moitas veces descoñecido para os consumidores urbanos.
Tomás García Azcárate, economista agrario, destaca que os lácteos europeos son alimentos de alta calidade, producidos por explotacións familiares, que fomentan a vida económica nas zonas rurais. Salvador Calvet, director do ICTA, salienta que a gandería extensiva europea aproveita os recursos naturais de forma sostible, integrando aos animais no ciclo de nutrientes e contribuíndo á redución de incendios e á captura de carbono.
Fernando Estellés enfatiza que animais como vacas, ovellas e cabras xogan un papel crucial na conservación de ecosistemas ao reciclar produtos non aptos para o consumo humano. Ademais, David Yáñez, do CSIC, sinala que a dixitalización e a intelixencia artificial están a optimizar a xestión gandeira, mellorando o benestar animal e a eficiencia produtiva.
