Con máis de 10.500 granxas leiteiras e de 15.700 produtores nos Países Baixos, Bélxica e Alemaña, a cooperativa leiteira FrieslandCampina incrementará o prezo do leite no mes de abril dous euros por cada 100 kg, ata alcanzar os 48,50 €/100 kg.
O prezo medio garantido de FrieslandCampina para o ano 2022, abril incluído, é de 46,25 euros por 100 quilos de leite. Esta cifra aplícase a 100 kg de leite con contidos estándar de 3,57 % de proteína, 4,42 % de graxa e 4,53 % de lactosa, sen IVE.
Basean este aumento durante o vindeiro mes na expectativa de que, debido ao atraso na subministración de leite e á forte demanda de produtos lácteos e leite de granxa, os prezos do leite das empresas de referencia aumentarán aínda máis.
