Dende a Escola de Formación Agraria EFA-Fonteboa veñen de publicar o calendario completo de actividades de formación continua que ofertarán este semestre. Ademais do curso xa finalizado sobre Estratexias de Comercialización de Produtos Agroalimentarios, durante o mes de xaneiro botaron a andar o segundo módulo do Programa Integral de Formación en Apicultura e máis as actividades do programa Apicultura 4.0 - Apirural.
En febreiro, terán lugar as clases sobre reprodución bovina e sobre formación financieira, así como un curso de prevención de riscos laborais no sector agrogandeiro e as Xornadas de Fruticultura 2022. Entre finais de febreiro e comezos marzo impartirase o nivel 2 do Curso Europeo de Motoserrista e, para abril, xa están previstos un curso de Iniciación á Soldadura e dúas sesións de formación sobre a PAC. Ademais, entre xaneiro e abril terán lugar, como vén sendo habitual, as mobilidades de alumnado solicitante dos programas Erasmus+.
