Un ano máis, a Asociación Provincial de Criadores de Frisón da provincia da Coruña, Africor Coruña, publica a súa memoria correspondente ao ano 2023.
Estruturada en 13 capítulos e ao longo de 128 páxinas, recolle, entre outros datos, os correspondentes ás cifras xerais do Control Leiteiro, resultados produtivos, as mellores vacas por produción e por produción vitalicia, os índices reprodutivos, a cualificación morfolóxica, ICO e taxa de non retorno. A facilidade de parto e a velocidade de muxido por touro, así como a repartición de seme na campaña de Xenética Fontao ocupan os capítulos finais. A publicación pecha cun resumo das catro poxas levadas a cabo no pasado ano, así como da súa evolución nestes últimos anos.
