O Diario Oficial de Galicia (DOG) publica a orde da Consellería del Medio Rural pola que se convocan as axudas destinadas a plans de mellora nas explotacións agrarias, á creación de empresas por parte de agricultores novos e ao desenvolvemento de pequenas explotacións, cun orzamento global de 37,5 millóns de euros. As persoas interesadas dispoñen dun prazo dun mes, contado a partir de mañá, para presentar as solicitudes.
Estas axudas, cofinanciadas co Fondo Europeo Agrícola de Desenvolvemento Rural (Feader) no marco do PDR de Galicia 2014-2024, teñen como obxectivo garantir a continuidade do tecido agrario, así como incrementar a competitividade das explotacións mediante a súa modernización.
A repartición do orzamento total de 37,5 millóns de euros farase da seguinte forma: 20 millóns para plans de mellora; 15 millóns para a incorporación de mozas á actividade agraria e 2,5 millóns para a creación de empresas. Ademais, como novidade, se reserva un 10 % do orzamento para persoas solicitantes que estean incluídas no desenvolvemento dun proxecto de aldea modelo ou polígono agroforestal.
