A conselleira do Medio Rural, María José Gómez, pediu ás industrias lácteas que manteñan os prezos que pagan aos gandeiros nos próximos meses para garantir a sustentabilidade do sector e o equilibrio na súa cadea de valor. No encontro “El sector lácteo español del futuro”, organizado pola Federación Nacional de Industrias Lácteas (Fenil) en Madrid, Gómez destacou a importancia de ter en conta os incrementos nos custos de produción dos gandeiros ao revisar os prezos dos contratos do leite.
Así mesmo, o director xeral de Gandaría, Agricultura e Industrias Agroalimentarias, José Balseiros, tamén insistiu na necesidade de cumprir a lei da cadea alimentaria para manter o equilibrio no sector.
A Xunta solicita á industria láctea que cumpra cos produtores galegos e rexeita calquera práctica que comprometa a transparencia e equilibrio no sector. Ademais, o Goberno galego intensificará os seus esforzos para reducir o diferencial de prezo entre o leite producido en Galicia e noutras comunidades. Por outra banda, o organismo autónomico reclamou ao Ministerio de Facenda a devolución do IVE pendente a persoal gandeiro, relacionado coa compra de pensos e enerxía, aspectos importantes na conta de resultados das explotacións.
ENCONTRO CON MOTIVO DO DÍA INTERNACIONAL LÁCTEO
A Federación Nacional de Industrias Lácteas (FeNIL) celebrou a 65º edición do Día Internacional Lácteo coa participación do ministro de Agricultura, Pesca e Alimentación, Luis Planas, e o comisionado especial para o PERTE Agroalimentario, Jordi Carbonell. Baixo o lema "O sector lácteo español do futuro", discutíronse iniciativas para aumentar a produción e transformación de leite nacional en industrias españolas, promovendo a súa presenza no mercado interno e a súa exportación.
Ernesto Castro, presidente de FeNIL, destacou a importancia de fabricar e consumir produtos lácteos españois e asegurou aos produtores que as industrias transformarán toda a leite producida. Luis Planas subliñou a necesidade de que o sector se adapte a novos retos e se manteña como motor económico e social, destacando a sustentabilidade e rendibilidade. Ignacio Quintanilla, de Leche Gaza, e Jesús Fernández, de Ganadería Pazos, coincidiron na importancia de estimular o consumo e a incorporación de novos á produción primaria
.
