Empezamos a compartir os vídeos na sección de tv da nosa web sobre a xornada que tivo lugar no Centro de Investigacións Agrarias de Mabegondo (CIAM), en Abegondo (A Coruña), o pasado 25 de novembro. "Melloremos a sustenibilidade das explotacións con boas prácticas na xestión do xurro" foi o título deste encontro, que se desenvolveu no salón de actos do CIAM e que tamén se puido seguir de maneira virtual.
José Luis Cabarcos, director da Axencia Galega da Calidade Alimentaria (Agacal), e Abelardo Nimo, director do CIAM, presentaron a xornada na que participaron María Isabel García, investigadora do CIAM-Agacal; Jesús Martínez, técnico do servizo de avaliación ambiental; Henrique Trindade, profesor da Universidade de Trás-os-Montes e Alto Douro; Gregorio Salcedo, profesor do CIFP La Granja en Cantabria, e Dolores Báez, investigadora do CIAM-Agacal. Posteriormente, Juan Castro, investigador do CIAM-Agacal, moderou a mesa redonda que puxo fin ao evento.
