O Boletín Oficial do Estado publicou hoxe a Orde do Ministerio de Facenda pola que se reducen, para agricultores e gandeiros, os Índices de Rendemento Neto para o período impositivo 2020 no sistema de estimación obxectiva do IRPF (ou de módulos). Esta orde recolle a proposta do Ministerio de Agricultura, Pesca e Alimentación (MAPA), tras solicitar os informes das comunidades autónomas, de minoración dos devanditos índices.
Esta rebaixa da base impoñible dos declarantes no réxime de estimación obxectiva agraria calcúlase en 1.081 millóns de euros. Uns 534 millóns de euros corresponden á orde aprobada hoxe e outros 547 millóns de euros son debidos á rebaixa do 20 % que beneficia aos 900.000 agricultores e gandeiros de todo o Estado que elixen o sistema de módulos do IRPF para tributar.
A orde beneficia, a nivel estatal, a agricultores e gandeiros de flor cortada, oliveiral, uva de vinificación, apicultores e produtores de gando ovino e caprino de carne, porcino ibérico e vacún de carne, pero non a produtores de leite.
As reducións de módulos establecidas con carácter estatal para a declaración da renda 2020 de agricultores e gandeiros pódense revisar nesta orde.
